Nakatutuwa at may mga nagbabasa pa rin pala sa blog na ito. Hindi ko alam kung ano ang sasabihin sapagkat kung sa ano mang kaparaanan narating ninyo ang blog na ito, alam kong ito’y dahil naghanap kayo gamit ang mga kataga o pariralang patungkol sa pakikipagtalik ng mga bakla o kung saan mang link na kasama ang site na ito. Gayunpaman, ako’y nagpapasalamat sa pagbabasa ng post na naririto na minsa’y nakababagot ring basahin.
Alam ko.
Sa kabila nito, babalik-balikan ko pa rin ang mga pahinang ito upang sumulat ng mga bagay na pumupukaw sa aking pagkatao, sa aking pagiging bakla. Hindi man ako madalas magawi rito, sisikapin ko pa ring patuloy na ipagdiwang ang aking kabaklaan sa pamamagitan ng pagsusulat, natural gamit ang sarili kong wika.
Aasahan ko pa rin ang inyong pagbisita at pakikipagpalitan ng kuru-kuro. Hanggang sa muli.
Mga Kwento ng Baklang Si Juan 
sayang kung tumigil kayo ngayon nahanap ko na ang inyong blog ;-).
hahaha, why do you address me in the second person plural?
thanks for finding this.